55‑hadovaha žychara Mazyra adpravili za kraty pa papularnym palityčnym artykule

Dźmitryj Kažadub raniej zajmaŭsia arendnym biznesam.

Dźmitryj Kažadub. Fota ź jahonaj staronki Ukantakcie

Dźmitryju Kažadubu 55 hadoŭ. Jon rodam z Mazyra. U 1994 hodzie mužčyna skončyŭ miascovy piedahahičny instytut imia Krupskaj.

Dźmitryj lubić padarožničać, płavać na łodkach i katacca na rovary. U ankietach na sajtach znajomstvaŭ jon paznačaŭ, što cikavicca histaryčnymi filmami, chard-rokam i palitykaj. Miarkujučy pa repostach u sacsietkach, Dźmitryj — fanat hurtoŭ Neuro Dubel i Stary Olsa, repościŭ i šmat sučasnaj muzyki kštałtu Imagine Dragons i Coldplay.

Dźmitryj Kažadub. Fota ź jahonaj staronki Ukantakcie

Raniej Kažadub mieŭ ułasnuju spravu. Z 2013 pa 2019 hod jon byŭ zarehistravany jak indyvidualny pradprymalnik. Asnoŭnym vidam dziejnaści była zdača ŭ najom ułasnaj nieruchomaści.

Dźmitryja asudzili ŭ Homielskim abłasnym sudzie. Jaho pryznali vinavatym pavodle častak 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści».

Apošnim časam pa hetym artykule sudzili za napisańnie ŭ čat-bot kanała «Biełarusi Hajun». Dakładny prysud mužčyny nieviadomy —iamu pryznačyli ci chimiju z nakiravańniem, ci kałoniju.

Kamientary da artykuła