Nobieleŭskaja łaŭreatka Mačada zmahła tajna dabracca da Osła paśla niekalkich hadoŭ padpolla
Premiju za jaje atrymlivała dačka, Maryja Karyna nie zmahła prybyć u čas. Ale pa pryjeździe jana vyjšła na bałkon hatela i vitała ludziej.
Skrynšot videa Reuters
Lidarka vieniesuelskaj apazicyi źjaviłasia ŭ stalicy Narviehii paśla cyrymonii ŭručeńnia Nobieleŭskaj premii miru, u jakoj zamiest jaje ŭdzielničała jaje dačka. Mačada pamachała z bałkona hatela Grand Hotel paśla niekalkich hadoŭ, praviedzienych u padpolli: apošni raz jana źjaŭlałasia na publicy ŭ studzieni, piša VVS.
Jana zdoleła patajemna dabracca da Narviehii, niahledziačy na zabaronu na vyjezd ź Vieniesueły. Stojačy na bałkonie pierad ludźmi, jakija sabralisia, Mačada pakłała ruku na serca i śpiavała razam sa svaimi prychilnikami, pierš čym vyjści da ich asabista.
Jaje dačka, Ana Karyna Sosa, atrymała ŭznaharodu ad imia maci raniej u sieradu.
Nobieleŭski instytut prysudziŭ Mačada premiju miru sioleta «za baraćbu za spraviadlivy i mirny pierachod ad dyktatury da demakratyi» ŭ Vieniesuele.
Paśla hetaha Mačada vyjšła na vulicu, kab pavitać svaich prychilnikaŭ, jakija čakali za aharodžami. U peŭny momant łaŭreatka pieralezła praz aharodžu, kab dałučycca da ich.