Biahucha Maryna Arzamasava trecim razam stała maci
U čempijonki śvietu pa biehu i jaje muža Illi Arzamasava naradziŭsia syn.
Maryna Arzamasava z mužam Illom
Papaŭnieńnia ŭ siamja Maryna Arzamasava z mužam i dźviuma dočkami čakali bližej da navahodnich śviat. Biahucha navat žartavała, što nie chacieła b, kab syn naradziŭsia niedzie pad Novy hod.
Ale sustreča z malečaj adbyłasia raniej. Chłopčyk naradziŭsia 10 śniežnia ŭ 6‑j radzilni Minska — amal na 37 tydni.
Maryna raskazała ŭ storys, što choć i vielmi chvalavałasia za syna, ale ź im usio dobra:
— Značna chutčej ja naradziła, čym minułych dziaciej. Jon maleńki… Chacia nu jak maleńki? 50 santymietraŭ i 2890 hramaŭ. Ja sama naradziłasia mienšaj za jaho. Ź ciomnym vałośsiem. Vočki pakul nie zrazumieła, jakija. Pryhožańki taki. Na ščaście, usio dobra. Niemaŭla adrazu ž zapłakała, doŭha kryčała. Jon nie ŭ reanimacyi, mnie ŭviečary ŭžo prynosili jaho paznajomicca, pakarmić. Noč jon pravioŭ u zvyčajnym dziciačym adździaleńni.
Čytajcie taksama:
Domračava i Skardzina dałučylisia da čelendžu, kab sabrać hrošy na reabilitacyju dački Arzamasavaj