Pierakładčyca ŭ Jeŭraparłamiencie płakała, pierakładajučy raskaz 11‑hadovaha ŭkrainskaha chłopčyka VIDEA

Padčas kinapakazu dakumientalnych filmaŭ pra ŭkrainskich dziaciej i dalejšaj dyskusii asistentka vice-prezidenta Jeŭraparłamienta raspłakałasia, pierakładajučy vystupleńnie 11‑hadovaha Ramana Aleksiva sa Lvova, piša Ukrainskaja słužba «Radyjo Svaboda».

Skrynšot ź videa

Raman pieražyŭ rasijski rakietny ŭdar pa Vińnicy 14 lipienia 2022 hoda, u jakim zahinuła jahonaja mama. Sam chłopčyk pieranios 36 apieracyj i praciahłuju reabilitacyju z-za ciažkich apiokaŭ i traŭmaŭ.

Niahledziačy na heta, jon viarnuŭsia da vučoby, tancaŭ i muzyki, a taksama atrymaŭ uznaharodu ad prezidenta Ukrainy.

10 śniežnia Raman pryjechaŭ u Brusiel na kinapakaz, kab raskazać svaju historyju jeŭradeputatam i zaklikać «nikoli nie zdavacca», tamu što «kali my razam, my mocnyja». Deputatam pakazali filmy «Romčyk», «Dzieci dla Pucina» i «Čyli».

Kamientary da artykuła