Kiraŭnik staŭbcoŭskaj viertykali sabraŭ miascovych biznesmienaŭ na bierazie Niomana i pračytaŭ im ideałahičnuju lekcyju

11 śniežnia ŭ Biełarusi prachodzić čarhovy Adziny dzień infarmavańnia. Tema hetym razam — «Piacihodka jakaści — vyniki hoda ŭparadkavańnia». Niekatoryja čynoŭniki i ideołahi starajucca być kreatyŭnymi i šukać dla ažyŭleńnia nudnaha mierapryjemstva novyja aryhinalnyja farmaty.

Andrej Atruškievič

U Staŭbcoŭskim rajonie niadaŭna pryznačany staršynia miascovaha rajvykankama Andrej Atruškievič vyrašyŭ pravieści ideałahičnuju pracu z pradstaŭnikami rajonnaha małoha i siaredniaha biznesu, piša rajonnaja hazieta «Pramień».

Ale nie prosta ŭ jakoj aktavaj zale, a sabraŭšy biznesmienaŭ na svojeasablivy subotnik — uparadkavańni terytoryi ŭzdoŭž Niomana. Taki farmat byŭ pryznany «vielmi aktualnym i adpaviednym temie dnia infarmavańnia».

Kab biznesmienam było nie sumna pracavać, paralelna Atruškievič im

«raskazaŭ pra pracu pa ŭparadkavańni, jakaja pravodzicca ŭ Staŭbcoŭskim rajonie, pra namiečanyja płany. Na zaviaršeńnie sustrečy staršynia adkazaŭ na pytańni prysutnych i padziakavaŭ im za ŭdzieł u mierapryjemstvach pa naviadzieńni paradku».

Kamientary da artykuła