U Miorskim rajonie lekcyi pra siamiejnyja kaštoŭnaści miascovyja načalniki čytali piensijanieram FOTY
U płanach lubych ideołahaŭ i kiraŭnikoŭ staić rehularnaje praviadzieńnie «dzion infarmavańnia» nasielnictva na aktualnyja temy. U Miorskim rajonie staršynia miascovaha rajvykankama Alaksandr Jarachnovič vybraŭsia ŭ Zavućcieŭski sielsaviet, kab tam pravieści hutarku, pryśviečanuju «roli siamiejnych kaštoŭnaściaŭ u sučasnym hramadstvie».
«Biełaruś — sacyjalna aryjentavanaja dziaržava. U nas vialikaja ŭvaha nadajecca ŭmacavańniu statusu siamji, padtrymcy maciarynstva, baćkoŭstva i dziacinstva», — raskazvaŭ Alaksandr Jarachnovič.
Na prykładzienych da spravazdačy fota vidać, što asnovaj jahonaj aŭdytoryi byli ludzi ci pieradpiensijnaha, ci ŭžo hłyboka piensijnaha ŭzrostu.
U vioskach Vościevičy i Malinaŭka ŭ hety samy čas ideałahična ščyravaŭ pierad padobnaj aŭdytoryjaj staršynia rajonnaha savieta deputataŭ Valeryj Draba.
Kamientary
Čamu b nie adździalać "FOTY" kropkaj, abo zamianić na emadzi, naprykład?