U Buda-Kašaloŭskim rajonie złodzieja-miełamana znajšli pa śledzie abutku
U mai ŭ vioscy Rudzianiec Buda-Kašaloŭskaha rajona adbyŭsia kradziež. Nieviadomy pranik u adzin ź sielskich damoŭ i vykraŭ razumnuju kałonku «Jandeks» i partatyŭnuju muzyčnuju kałonku.
Śledča-apieratyŭnaja hrupa da ahladu miesca zdareńnia pryciahnuła ekśpierta-kryminalista Žłobinskaha mižrajonnaha adździeła Dziaržaŭnaha kamiteta sudovych ekśpiertyz.
U pakoi, dzie znachodziłasia vykradzienaje, jon vyjaviŭ śled abutku.
Padčas praviadzieńnia śledča-apieratyŭnych mierapryjemstvaŭ supracoŭniki kryminalnaha vyšuku vyjšli na maładoha mužčynu, u jakoha znajšli krasoŭki z malunkam padešvy, anałahičnym śledu, što byŭ znojdzieny na miescy złačynstva.
Praviedzienaja trasałahičnaja ekśpiertyza pakazała ich poŭnaje supadzieńnie. Viaskoviec pryznaŭ vinu całkam i panios pakarańnie.