Litva hatovaja nakiravać u Biełaruś pasła pa asablivych daručeńniach
Ministr zamiežnych spraŭ Litvy Kiastucis Budrys u efiry adnoj z prahram zajaviŭ, što Litva hatova była b nakiravać u Biełaruś pasła pa asablivych daručeńniach dla pieramoŭ. Jon adznačyŭ, što taki ŭzrovień pradstaŭnictva mahčymy i što Litva nieadnarazova prapanoŭvała heta Biełarusi jak vusna, tak i ŭ piśmovaj formie, piša LRT.
Kiastucis Budrys. Fota: AP Photo / Mindaugas Kulbis
U toj ža čas Kiastucis Budrys vykazaŭ sumnievy ŭ karyści pieramoŭ ź Biełaruśsiu, adznačajučy, što bolš surjoznyja pieramovy pavinny atrymlivać «uchvaleńnie na nacyjanalnym uzroŭni». Jon padkreśliŭ, što rašeńni pa sankcyjach i mnohich inšych pytańniach znachodziacca ŭ kampietencyi Jeŭrasajuza, tamu adna Litva ich nie vyrašaje.
Rost kantrabandy ź Biełarusi z dapamohaj pavietranych šaroŭ apošnim časam pieraškadžaŭ pracy aeraportaŭ Vilni i Koŭna. Heta pryviało da časovaha abmiežavańnia raboty pamiežnych punktaŭ ź Biełaruśsiu, a Minsk ciapier admaŭlajecca vypuskać hruzaviki, zarehistravanyja ŭ Litvie, za miežy krainy. Litoŭskaje kiraŭnictva nazyvaje hetyja dziejańni hibrydnaj atakaj z boku režymu Łukašenki.
Čytajcie taksama:
U Minsku prachodziać pieramovy Łukašenki i amierykanskaj delehacyi
Urad Litvy nie atrymlivaŭ paviedamleńnia pra namier Cichanoŭskaj pakinuć Vilniu
Litva pasłała ŭ Minsk notu pratestu ad MZS
ES pašyryć sankcyi suprać Biełarusi praz paloty kantrabandnych pavietranych šaroŭ