U Minsku prachodziać pieramovy Łukašenki i amierykanskaj delehacyi
Pres-słužba Łukašenki paćvierdziła pieramovy Alaksandra Łukašenki z amierykanskaj delehacyjaj na čale z Džonam Koŭłam.
Jak piša «Puł pieršaha», pieramovy prajšli siońnia, ale praciahnucca i zaŭtra.
«Naša Niva» siońnia ranicaj paviedamlała, što pieramovy mahli pačacca ŭčora.
Łukašenka pavinšavaŭ Koŭła z pryznačeńniem jaho śpiecpasłańnikam ZŠA ŭ Biełarusi.
«Ty ciapier hałoŭny pa Biełarusi ŭ nas. Pieradajcie Trampu, što my niešta pavinny zrabić u suviazi z hetym. I my zrobim».
«U nas šmat pytańniaŭ. Śviet mianiajecca vielmi chutka, źjaŭlajucca novyja prablemy, jakija my z vami pavinny abmierkavać. A mahčyma, i vyrašyć siakija-takija pytańni», — skazaŭ Łukašenka.
Apošni vizit delehacyi ZŠA ŭ Minsk na čale z pasłańnikam Donalda Trampa Džonam Koŭłam byŭ u vieraśni. Paśla toj sustrečy vyzvalili i departavali ŭ Litvu 51 palitviaźnia.
Kamientary