Dźvie biełaruskija łyžnicy atrymali dopusk da adboru na Alimpijskija hulni — 2026
Mižnarodnaja fiederacyja łyžnaha sportu i snoŭborda (FIS) abnaviła śpis niejtralnych indyvidualnych spartsmienaŭ.
Hanna Mačachina
U druhuju viersiju śpisu niejtralnych atletaŭ uvajšli lidary žanočaj kamandy Biełarusi pa łyžnych honkach Hanna Karalova i Hanna Mačachina, a taksama servismieny Illa Ramanienka i Aleh Bykoŭskich.
Abiedźvie biełaruski ciapier mohuć brać udzieł u turnirach pad ehidaj FIS i pazmahacca za licenziju na zimovyja Alimpijskija hulni 2026 hoda.
Napiaredadni niejtralnyja statusy ad FIS atrymali biełaruskija frystajlisty Hanna Huśkova, Hanna Dziaruha, Nastaśsia Andryjanava, Ihar Drabiankoŭ i Uładzisłaŭ Vaźniuk, harnałyžnica Maryja Škanava.
Śpis niejtralnych indyvidualnych spartsmienaŭ budzie abnaŭlacca.
Čytajcie taksama:
MAK źniaŭ zabaronu na arhanizacyju mižnarodnych spabornictvaŭ u Biełarusi
Kańkabiežka Zujeva zavajavała dla Biełarusi druhuju licenziju na Alimpijadu
Domračava hatovaja ŭznačalić zbornuju Biełarusi. Ale pry adnoj umovie
Ci paśpiejuć biełaruskija spartoŭcy adabracca na Zimovuju Alimpijadu?