Sabalenku druhi hod zapar pryznali najlepšaj tenisistkaj śvietu
Žanočaja tenisnaja asacyjacyja (WTA) abviaściła pieramožcaŭ štohadovaj premii WTA Awards. Štohod najlepšych u roznych naminacyjach — tenisistku, treniera, turnir hoda i asobu z asablivym unioskam u raźvićcio tenisa — vyznačajuć šlacham hałasavańnia žurnalisty mižnarodnych ŚMI.
Aryna Sabalenka. Fota: Robert Prange / Getty Images
Druhi hod zapar zvańnie najlepšaj tenisistki śvietu atrymała biełaruska Aryna Sabalenka. U hałasavańni jana apiaredziła polku Ihu Śviontek, Alenu Rybakinu z Kazachstana, amierykanak Amandu Anisimavu, Medzisan Kiz i Kory Haŭf, nabraŭšy bolš za 80% hałasoŭ.
U WTA padkreślili, što letaś Sabalenka zhulała ŭ dzieviaci finałach, zdabyła čatyry tytuły i atrymała 63 pieramohi. Akramia taho, jana ŭstanaviła novy rekord pa sumie pryzavych za siezon — bolš za 15 miljonaŭ dalaraŭ.
Uvieś hod Aryna praviała na pieršym miescy suśvietnaha rejtynhu WTA. Za svaju karjeru jana ŭžo vyjhrała 21 turnir asacyjacyi ŭ adzinočnym razradzie. Taksama Sabalenka dvojčy pieramahała na Adkrytym čempijanacie Aŭstralii (u 2023 i 2024 hadach) i dvojčy — na Adkrytym čempijanacie ZŠA (u 2024 i 2025 hadach).
Sabalenka skončyć hod u ranhu pieršaj rakietki śvietu
Čytajcie taksama:
Sabalenka adkazała, ci źbirajecca jana pierachodzić ź biełaruskaha pad inšy ściah
Aryna Sabalenka raskazała, kali źbirajecca naradzić i na što tracić pryzavyja
Aryna Sabalenka stała druhoj u historyi suśvietnaha žanočaha tenisu pavodle pamieraŭ pryzavych