Sabalenka adkazała, ci źbirajecca jana pierachodzić ź biełaruskaha pad inšy ściah
Biełaruskaja tenisistka Aryna Sabalenka, jakaja ŭžo doŭhi čas žyvie ŭ amierykanskim Majami, niadaŭna ŭdzielničała ŭ pakazalnych turnirach, paśla čaho dała intervju brytanskamu žurnalistu Pirsu Morhanu. Padčas razmovy žurnalist zakranuŭ temu jaje hramadzianstva i mahčymaści jaho źmieny.
Takoje pytańnie ŭźnikła taksama ŭ suviazi z tym, što ŭ apošnim čas pamianiali hramadzianstva niekalki rasijskich tenisistak, u pryvatnaści Kamiła Rachimava, jakaja stała vystupać za Uźbiekistan, i Anastasija Patapava, jakaja pierajšła pad ściah Aŭstryi.
Sabalenka, jak i tyja rasijskija tenisistki, apošnija hady z-za sankcyj vystupaje na mižnarodnych turnirach pad niejtralnym ściaham. Tym nie mienš, jana vyrazna zajaviła, namieru mianiać biełaruskaje hramadzianstva jana nie maje. Tenisistka padkreśliła, što zaŭsiody hanaryłasia mahčymaściu pradstaŭlać «takuju maleńkuju krainu» i choča słužyć prykładam dla dziaciej Biełarusi.
«Ja chaču pradstaŭlać Biełaruś dziela dziaciej z majoj krainy, jakija bačać, jak ja spaborničaju na vysokim uzroŭni, i mohuć natchniacca. Ja spadziajusia, što svaim prykładam pakažu im, što kali mnie ŭdałosia dabicca hetaha, prajści šlach z hetaj maleńkaj krainy na viaršyniu, to i jany zmohuć heta zrabić», — adznačyła Sabalenka.
Aryna Sabalenka raskazała, kali źbirajecca naradzić i na što tracić pryzavyja
Aryna Sabalenka stała druhoj u historyi suśvietnaha žanočaha tenisu pavodle pamieraŭ pryzavych
Sabalenka skončyć hod u ranhu pieršaj rakietki śvietu
Aryna Sabalenka trapiła pad sankcyi i straciła častku rejtynhavych bałaŭ
Sabalenka vykazałasia pra vajnu
Kamientary