Zialenski ŭ najbližejšyja dni moža naviedać rezidencyju Trampa ŭ Fłarydzie
Vizit moža adbycca ŭžo 28 śniežnia.
Donald Tramp i Uładzimir Zialenski ŭ Biełym domie 17 kastryčnika 2025 hoda. Fota: Juliana Luz / White House
Zialenski moža ŭ nastupnyja dni naviedać rezidencyju Trampa ŭ Fłarydzie, piša Kyiv Post sa spasyłkaj na dypłamatyčnyja krynicy.
«Čakajecca pajezdka ŭ Fłarydu ŭ najbližejšyja dni dla napružanych pieramovaŭ u Mar-a-Łaha — patencyjnym miescy dla sustrečy z kiraŭnictvam ZŠA. Vizit moža adbycca ŭžo 28 śniežnia, kali ŭsio pojdzie pavodle płana», — piša vydańnie.
Pavodle słoŭ krynicy, samyja składanyja častki mirnych pieramovaŭ — harantyi biaśpieki, kantrol nad terytoryjami i jurydyčnyja abaviazacielstvy Rasii — «dahetul zastajucca niavyrašanymi». Ale ŭ Zialenskaha jość «novyja idei».