U Łuninieckim rajonie 68‑hadovy kiroŭca aŭtobusa źbiŭ maładoha mužčynu
DTZ adbyłosia rankam 26 śniežnia ŭ ahraharadku Vialikija Čučavičy. Pad koły pasažyrskaha aŭtobusa trapiŭ 35‑hadovy piešachod.
Pavodle infarmacyi DAI, kala piaci hadzin ranicy 68‑hadovy kiroŭca za styrnom aŭtobusa «MAZ» jechaŭ pa vulicy Hancavickaj. U niejki momant jon źbiŭ mužčynu, jaki znachodziŭsia prosta na darozie.
Udar byŭ takoj siły, što piešachod pamior na miescy jašče da pryjezdu miedykaŭ.
Padkreślivajecca, što zahinuły nie mieŭ flikieraŭ, tamu zaŭvažyć jaho ŭ ciemry było składana.
Inšyja akaličnaści zdareńnia nie paviedamlajucca.