U Pinsku piensijanierka pravaliłasia na svaim aŭto ŭ jamu darožnikaŭ. Jaje jašče i aštrafavali
Zrešty, pakarali i rabočaha, voś tolki žančynie ad hetaha nie lahčej.
Na adnoj z vulic Pinska pravodzilisia ramontnyja raboty. 43‑hadovy rabočy palenavaŭsia aharodžvać terytoryju, tamu pakinuŭ jaminu jak jość i adyšoŭ pa spravach.
Mima na svaim Mitsubishi prajazdžała 64‑hadovaja žančyna. Jaje aślapiła sonca, i piensijanierka ŭjechała ŭ jamu. Ź joj usio narmalna, a voś aŭtamabil atrymaŭ paškodžańni.
Chto vinavaty? A ŭsie.
Na rabočaha skłali pratakoł pa artykule 18.32 Kodeksa ab administratyŭnych pravaparušeńniach «Parušeńnie pravił utrymańnia daroh, vulic, čyhunačnych pierajezdaŭ i inšych darožnych zbudavańniaŭ». Kali pryznaŭ vinu, to atrymaŭ 4 bazavyja vieličyni štrafu.
Žančynu pakarali pa artykule 18.18 Kodeksa ab administratyŭnych pravaparušeńniach za «parušeńnie inšych pravił darožnaha ruchu». Štraf dla jaje budzie mizerny, adnak mašynu daviadziecca adnaŭlać za svoj košt.