U Babrujsku žančyna zalezła ŭ dom da staroha susieda i abčyściła jaho chaładzilnik
U Babrujsku 41‑hadovaja miascovaja žycharka vyrašyła pažyvicca za košt susieda-piensijaniera.
Jak paviedamlaje milicyja, žančyna spačatku naceliłasia na susiedski chleŭ, spadziajučysia znajści tam chatniuju kansiervacyju. Jana dačakałasia, pakul 69‑hadovy haspadar sydzie, prabrałasia ŭ dvor i vyłamała dźviery ŭ pabudovie. Adnak jaje čakała rasčaravańnie — chleŭ apynuŭsia zusim pustym.
Babrujčanka nie pažadała sychodzić z pustymi rukami i zaŭvažyła, što dźviery ŭ sam dom nie zamknionyja. Žančyna ačyściła chaładzilnik ad prypasaŭ. Na raźvitańnie prychapiła z saboj jašče i znojdzieny ŭ pakoi elektrałobzik.
Piensijanier, viarnuŭšysia dadomu i pabačyŭšy pusty chaładzilnik, vyklikaŭ milicyju. Suprać susiedki zaviali kryminalnuju spravu.