Sacyjalnyja źnižki ŭ biełaruskich handlovych sietkach padoŭžyli jašče na paŭhoda
Ministerstva antymanapolnaha rehulavańnia i handlu i bujnyja handlovyja arhanizacyi Biełarusi padpisali pahadnieńnie ab padaŭžeńni sacyjalnych źnižak dla ŭraźlivych katehoryj nasielnictva na pieršaje paŭhodździe 2026 hoda, paviedamiła pres-słužba MARH.
Zdymak ilustracyjny. Fota: «Naša Niva»
Dakumient byŭ padpisany na placoŭcy minskaha handlovaha centra «Stalica». Zhodna z novymi ŭmovami sacyjalnyja źnižki da 10% buduć dziejničać na 29 hrup tavaraŭ pieršaj nieabchodnaści, siarod jakich chleb, muka, aŭsianka i hruca, makarona, miasa (jałavičyna, śvinina, kuracina), małočnyja pradukty, jajki, harodnina i inšyja.
Ministr antymanapolnaha rehulavańnia i handlu Artur Karpovič adznačyŭ, što pahadnieńnie dziejničaje ŭžo čaćviorty hod, a 2026‑y stanie piatym. U adroźnieńnie ad raniejšych razavych padaŭžeńniaŭ, ciapier źnižki zaćvierdžanyja adrazu na paŭhoda.
Za čas dziejańnia prahramy było vydadziena bolš za 2,5 miljony sacyjalnych kartak, a suma hetych źnižak pieravysiła 150 miljonaŭ rubloŭ.
Čytajcie taksama:
243 biełaruskija restarany i kaviarni śpiecyjalizujucca na nacyjanalnaj kuchni
MARH zaklikaje biełarusaŭ kožnuju piatnicu razmaŭlać pa-biełarusku i słuchać biełaruskuju muzyku
MARH: Navahodni aliŭje dla biełarusaŭ sioleta patańnieŭ na 2 rubli