U centry Minska abmiažujuć ruch transpartu ŭ navahodniuju noč i 1 studzienia
DAI Minska dziela biaśpieki padčas navahodnich mierapryjemstvaŭ i papiaredžańnia hrubych parušeńniaŭ Praviłaŭ darožnaha ruchu ŭ pieryjad praciahłych vychodnych piarojdzie na ŭzmocnieny režym niasieńnia słužby.
Akramia taho, pablizu miescaŭ masavych hulańniaŭ buduć uvodzicca abmiežavańni ruchu transpartu.
U navahodniuju noč i ŭ viačerni čas 1 studzienia mahčyma ŭviadzieńnie poŭnaha abmiežavańnia ruchu transpartu pa praśpiekcie Pieramožcaŭ na ŭčastku ad vulicy Mielnikajcie da skryžavańnia płoščy Svabody z vulicaj Internacyjanalnaj.
Akramia taho, pablizu Pałaca sportu, Kastryčnickaj płoščy, a taksama na terytoryi Vierchniaha horada buduć uviedzieny abmiežavańni na prypynak i stajanku transpartnych srodkaŭ. U suviazi z hetym budzie źmieniena schiema ruchu hramadskaha transpartu. U pryvatnaści, u nazvany pieryjad nie budzie ažyćciaŭlacca prypynak «Pałac sportu».