Kala Maču-Pikču sutyknulisia dva turystyčnyja ciahniki

Na čyhuncy, jakaja viadzie da staražytnaha horada Maču-Pikču ŭ Pieru, adbyłosia łabavoje sutyknieńnie dvuch turystyčnych ciahnikoŭ. U vyniku jaho zahinuŭ jak minimum adzin čałaviek, a 36 atrymali traŭmy, paviedamlaje Euronews.

Fota: x.com/cuscopost

Incydent zdaryŭsia ranicaj prykładna na siaredzinie maršrutu. U vyniku jaho zahinuŭ 61‑hadovy mašynist adnaho ź ciahnikoŭ. Siarod paciarpiełych jość jak pieruancy, tak i zamiežnyja turysty.

Fota: x.com/cuscopost

Akazańnie miedycynskaj dapamohi adbyvałasia na miescy zdareńnia, adnak evakuacyja 1300 čałaviek była ŭskładnienaja z-za ciažkadastupnaha reljefu.

Pryčyny trahiedyi pakul nieviadomyja.

Fota: x.com/cuscopost

Horad staražytnych inkaŭ Maču-Pikču — hałoŭnaja turystyčnaja słavutaść Pieru, na jakuju štohod pryjazdžajuć kala paŭtara miljona čałaviek. Bolšaść ź ich dabirajucca čyhunkaj da horada na viaršyni hory.

Kamientary da artykuła