U indyjskim štacie Asam chutkasny pasažyrski ciahnik sutyknuŭsia sa statkam słanoŭ, jakija pierachodzili čyhunačnyja rejki. Niahledziačy na toje, što mašynist zaŭvažyŭ žyvioł i vykarystaŭ ekstrannaje tarmažeńnie, paźbiehnuć sutyknieńnia nie ŭdałosia, paviedamlaje Reuters.
U vyniku avaryi zahinuli siem słanoŭ, jašče adna maładaja žyviolina atrymała traŭmy. Ad udaru z rejek syšli łakamatyŭ i piać vahonaŭ. U ciahniku znachodziłasia kala 200 pasažyraŭ, adnak nichto ź ludziej nie paciarpieŭ i častka vahonaŭ praciahnuła ruch da kančatkovaha punkta.
Incydent adbyŭsia ŭ lasistaj miascovaści ŭ akruzie Chadžaj, ale, pavodle infarmacyi čyhunačnych słužbaŭ, hetaje miesca nie źjaŭlajecca mihracyjnym šlacham słanoŭ.
U Asamie padobnyja vypadki zdarajucca davoli časta, bo ŭ štacie žyvie adna z najbujniejšych papulacyj słanoŭ u Indyi. Z 2020 hoda tut zafiksavali hibiel jak minimum dziasiatka słanoŭ u vyniku najezdaŭ ciahnikoŭ.
Turyst u Kienii napaiŭ pivam słana i spravakavaŭ skandał
U Indyi pamierła najstarejšaja azijackaja słanicha. Joj było bolš za 100 hadoŭ
Navukoŭcy stvaryli «šarścistuju myš» z prykmietami mamanta. Mahčyma, praź niekalki hadoŭ adrodziać i vymierłaha hihanta
U Zimbabve z-za zasuchi źbirajucca zabić 200 słanoŭ
Ciapier čytajuć
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
Jany lohka pieraadolvajuć abharoždańni, navat pad tokam. I chiba ŭ azijackich krainach dajuć surjoznyja terminy za zabojstva słana, adnoje fiermiery robiać pastki z elektryčnaściu ci vybuchoŭkaju, kab ich adpužvać ad svaich nadziełaŭ.