Amierykanskaja śpiavačka Biejonse ŭvajšła ŭ kłub miljarderaŭ
Pa danych časopisa Forbes, Biejonse stała piataj muzykaj, čyjo bahaćcie pieravysiła $1 miljard.
Biejonse. Fota: AP Photo / Chris Pizzello, File
Klučavym čyńnikam rostu bahaćcia Biejonse staŭ suśvietny tur The Renaissance 2023 hoda, jaki daŭ amal $600 miljonaŭ.
Dadatkovy impuls dała płaścinka Cowboy Carter, jakaja vyjšła ŭ 2024 hodzie: kantry-albom pašyryŭ aŭdytoryju śpiavački i «adkryŭ novyja kamiercyjnyja mahčymaści», adznačaje vydańnie.
Taksama dachody Biejonse farmirujucca nie tolki za košt hastrolaŭ i muzyki, ale i dziakujučy sumiežnym prajektam — ad kantraktaŭ i brendaŭ da miedyjapraduktaŭ, jakija ŭzmacniajuć jaje kamiercyjny maštab.
Ciapier Biejonse dałučyłasia da vuzkaha koła muzykaŭ-miljarderaŭ, u jakoje ŭvachodziać jaje muž Jay-Z, Tejłar Śvift, Brus Sprynhścin i Ryjana. Usiaho, pa danych Forbes, u śpis miljarderaŭ uvachodziać 22 artysty.
Čytajcie taksama:
Pažarnyja Łos-Andželesa abviaścili sa sceny pra pieramohu Biejonse na «Hremi»
Čelentana, Biejonse, Łedzi Haha i navat «Łaskavy maj» — što ŭ płejliście Nikoła Pašyniana
Sabryna Karpienter atrymała «Hremi» za najlepšy pop-albom, Biejonsio pieramahła ŭ hałoŭnaj naminacyi
Stała viadoma, pieśnia jakoj amierykanskaj supierzorki stanie hałoŭnaj padčas kampanii Kamały Charys