Cichanoŭskaja raskazała pra pieršuju sustreču z Kaleśnikavaj
«Ja zapytała jaje: ci hrała ŭžo jana na flejcie paśla vyzvaleńnia?»
Skrynšot videazvarota
Śviatłana Cichanoŭskaja raskazała pra pieršuju sustreču z Maryjaj Kaleśnikavaj — jana adbyłasia padčas zdymkaŭ navahodniaha zvarotu.
«Maša pryjechała na zdymki navahodniaha zvarotu, i dla mianie asabista było vielmi važna zapisać jaho razam. My ŭpieršyniu za piać z pałovaj hadoŭ pabačylisia sam-nasam.
Maša ŭsio takaja ž enierhičnaja i natchnialnaja — ničoha nie złamała jaje ŭnutrany śviet. Ja vielmi radaja, što ŭ nas byŭ čas pabyć razam.
My havaryli pra minułaje, sučasnaść i budučyniu. Havaryli pra palitviaźniaŭ. Maša prajšła praz žachi turmy — i nastrojenaja zmahacca za vyzvaleńnie ŭsich astatnich.
Ja taksama zapytała jaje: ci hrała ŭžo jana na flejcie paśla vyzvaleńnia? Maša pryznałasia, što pieražyvaje z hetaj nahody, bo jašče nie brała ŭ ruki svoj lubimy instrumient. Ja skazała joj, što vielmi spadziajusia kali-niebudź trapić na jaje solny kancert, moža ŭ Hiermanii, ale jašče lepš — u Biełarusi».
U navahodnim videazvarocie, nahadajem, razam sa Śviatłanaj Cichanoŭskaj vinšavańni biełarusam kazali Maryja Kaleśnikava, Pavieł Sieviaryniec, Pavieł Łatuška.