Jašče adzin biełaruski futbalist budzie hulać u Partuhalii
«Vizeła» z druhoha pa mocy dyvizijona abviaściła pra padpisańnie kantraktu z 23‑hadovym paŭabaroncam Mikitam Dziemčankam.
Dziemčanka — vychavaniec akademii minskaha «Dynama», dvuchrazovy čempijon Biełarusi pa futbole i hulec nacyjanalnaj kamandy. Kantrakt ź jaho novym kłubam raźličany na 3,5 hoda.
«Vizeła» paśla 15 turaŭ nabrała 24 bały i zajmaje piataje miesca ŭ turnirnaj tablicy partuhalskaha D2.
Mikita Dziemčanka — treci biełarus u Partuhalii. U druhoj kamandzie słavutaha «Portu» hulaje Trafim Mielničenka, a Uładzisłaŭ Marozaŭ naležyć kłubu «Aroka». Praŭda, forvard hety siezon pravodzić u Danii na pravach arendy.