Tramp pra Mačada: U jaje niama padtrymki ŭnutry krainy, choć jana vielmi miłaja žančyna
Padčas pres-kanfierencyi paśla apieracyi ZŠA pa zachopie byłoha prezidenta Vieniesueły Nikałasa Madura Donalda Trampa spytali, ci kantaktavaŭ jon z nobieleŭskaj łaŭreatkaj i apazicyjnym palitykam ź Vieniesueły Maryjaj Karyna Mačada.
Maryja Karyna Mačada padčas pratesnaha mitynhu ŭ Karakasie, studzień 2025 hoda. Fota: Ariana Cubillos / AP
Jon skazaŭ, što Mačada było b «vielmi ciažka» być lidaram Vieniesueły. Choć jana vielmi «miłaja žančyna», pa jaho słovach, «u jaje niama padtrymki abo pavahi ŭnutry krainy».
Tramp skazaŭ taksama, što vice-prezidentka Vieniesueły Dełsi Radryhies praviała telefonnuju razmovu ź dziaržsakratarom ZŠA i Karakas hatovy da supracoŭnictva z Vašynhtonam.
Mačada raniej źviarnułasia da vieniesuelcaŭ, kab byli hatovyja vykonvać ukazańni ad apazicyi. «My hatovyja ŭziać uładu ŭ Vieniesuele», — napisała jana.