Zialenski: «Kali z dyktatarami možna voś tak, to ZŠA viedajuć, što rabić dalej»
Prezident Ukrainy Uładzimir Zialenski prakamientavaŭ vajskovuju apieracyju ZŠA ŭ Vieniesuele, u vyniku jakoj byli schoplenyja i vyviezienyja z krainy prezident Nikałas Madura z žonkaj Silijaj Fłores.
Bryfinh 3 studzienia. Fota z telehram-kanała prezidenta Ukrainy
«Nu što ja mahu skazać. Kali z dyktatarami možna [abychodzicca] voś tak, to Złučanyja Štaty Amieryki viedajuć, što im rabić dalej», — zajaviŭ Zialenski ź ironijaj na bryfinhu dla presy.
Zialenski nie staŭ tłumačyć, kaho maje na ŭvazie. Ukrainskija ŚMI robiać vysnovu, što jon namiakaŭ na Uładzimira Pucina.
Raniej kiraŭnik MZS Ukrainy Andrej Sibiha zajaviŭ, što Ukraina nie pryznaje lehitymnaści režymu Nikałasa Madury praz falsifikacyju vybaraŭ i hvałt u dačynieńni da pratestoŭcaŭ. «My vystupajem za dalejšaje raźvićcio padziej u adpaviednaści z pryncypami mižnarodnaha prava, nadajučy pryjarytetnuju ŭvahu demakratyi, pravam čałavieka i intaresam vieniesuelcaŭ», — napisaŭ jon u sacsietcy Ch.