Abaraniajučy Madura, padčas amierykanskaj śpiecapieracyi zahinuli 32 kubincy
3 studzienia ŭ Karakasie zahinuli 32 kubinskija vajskoŭcy, jakija baranili prezidenta Vieniesueły Nikałasa Madura.
Pałac Mirafłores — rezidencyja prezidentaŭ Vieniesueły. Fota Maxar / Getty Images
«U vyniku złačynnaha napadu, ździejśnienaha ŭradam Złučanych Štataŭ suprać bratniaj Balivaryjanskaj Respubliki Vieniesueła, jaki adbyŭsia na śvitanku 3 studzienia 2026 hoda, u bajavych dziejańniach zahinuli 32 kubincy, što vykonvali misii ad imia Revalucyjnych uzbrojenych sił i Ministerstva ŭnutranych spraŭ pa prośbie adpaviednych orhanaŭ paŭdniovaamierykanskaj krainy.
Zastajučysia viernymi svaim abaviazkam u spravie biaśpieki i abarony, našy suajčyńniki hodna i hieraična vykanali svoj abaviazak i zahinuli paśla žorstkaha supracivu — u pramym bajavym sutyknieńni z napadnikami abo ŭ vyniku bambardzirovak abjektaŭ», — paviedamiła pres-słužba prezidenta Kuby.
Na Kubie abviaścili dvuchdzionnuju žałobu.