Z kiroŭcy MAZa, jaki źbiŭ naśmierć inśpiektara DAI, spahnali 190 tysiač rubloŭ
Trahiedyja adbyłasia 28 sakavika 2024 hoda ŭ Pinskim rajonie.
38‑hadovy žychar Stolina padčas abhonu inšaha aŭtamabila, jaki spyniaŭsia pa patrabavańni inśpiektara DAI, parušyŭ praviły darožnaha ruchu i źbiŭ inśpiektara. Darečy, na hetym učastku darohi abhon byŭ całkam zabaronieny.
Kryminalny pieraśled i papiaredniaje rasśledavańnie pa hetaj spravie byli spynienyja ŭ suviazi z aktam amnistyi.
Ale ŭpraŭleńnie miedycynskaha strachavańnia «Biełdziaržstracha» pryniało rašeńnie i vypłaciła spadkajemcam zahinułaha sumu strachavoha pakryćcia — 190 tysiač rubloŭ.
Pavodle zakanadaŭstva, pry ŭstanaŭleńni asob, vinavatych u hibieli (śmierci) supracoŭnika orhanaŭ unutranych spraŭ, pryčynieńni škody jaho zdaroŭju abo majomasnaj škody jamu ci jaho blizkim, strachavyja sumy ŭ poŭnym abjomie spahaniajucca ź vinavataj asoby.
U vyniku sud zadavoliŭ pazoŭ prakurora — rašeńnie ŭstupiła ŭ zakonnuju siłu, paviedamlaje prakuratura.