Nikałasa Madura viaduć vulicami Ńju-Jorka
Byłoha prezidenta Vieniesueły ŭžo vyvieźli sa śledčaha izalatara ŭ Bruklinie. Zaraz kałona nakiroŭvajecca ŭ fiederalny sud Manchetena, dzie razhladajecca jahonaja sprava, paviedamlaje Fox News.
Skrynšot Fox News
Madura abvinavačvajuć u narkateraryźmie, niezakonnym abarocie zbroi i zmovie ŭ imparcie kakainu. Pasiadžeńnie projdzie pad staršynstvam akruhovaha sudździ Ełvina Chiellerstajna, čakajecca, što jano pačniecca apoŭdni pa miascovym časie (u 20:00 pa Minsku).
Na kadrach, jakija tranśliruje Fox News, vidać, jak Madura pad kanvojem pryvieźli na viertalotnuju placoŭku ŭ Manchetenie i źmiaścili ŭ braniravany aŭtamabil. Jaho žonki Silii Fłores na videa niama.