Biełarusam stanie ciažej jeździć u Kaba-Verde
Urad astraŭnoj afrykanskaj dziaržavy Kaba-Verde ŭvioŭ vizy dla hramadzian Biełarusi adnačasova z hramadzianami jašče 95 krain. Raniej biełarusy mahli atrymlivać dazvoł na ŭjezd u krainu pa prybyćci ŭ aeraport paśla papiaredniaj rehistracyi ŭ sistemie EASE, ciapier ža vizu treba atrymlivać zahadzia praz dypłamatyčnyja ŭstanovy Kaba-Verde.
Zdymak ilustracyjny. Krynica: vecteezy.com
Z krain byłoha SSSR u novyja praviły trapili Biełaruś, Azierbajdžan, Armienija, Tadžykistan, Turkmienistan i Uźbiekistan. Sproščanaja vizavaja palityka nie dziejničaje taksama dla hramadzian krain z vajennymi kanfliktami abo dyktatur, naprykład Siryi, Paŭnočnaj Karei ci Vieniesueły.
U Biełarusi niama ambasady Kaba-Verde, tamu vizu treba afarmlać praz pradstaŭnictva ŭ Hiermanii. Dla biełarusaŭ ź dziejnym dazvołam na žycharstva ŭ ES paradak atrymańnia dazvołu zastajecca praściejšym.
Kaba-Verde — heta vułkaničny archipiełah niedaloka ad paŭnočna-zachodniaha ŭźbiarežža Afryki, viadomy svajoj kreolskaj kulturaj, muzykaj i plažami. Stalica — horad Praja, jaki znachodzicca na najbujniejšym vostravie krainy.
Dziaržaŭny ściah Kaba-Verde pryciahvaje ŭvahu biełarusaŭ, bo na im siarod inšaha jość miłyja našamu sercu bieł-čyrvona-biełyja pałosy.
Čytajcie taksama:
Na čempijanat śvietu pa futbole vyjšła zbornaja krainy, čyj ściah paraduje voka mnohich biełarusaŭ
Ad Rasii da Kaba-Verde: dzie «zaśviacilisia» kartki bahatych biełarusaŭ
U Minsku adkryvajecca vizavy centr Kipra
Kali i kudy lepš znoŭ padavacca na vizu, kali ŭ šenhienie admovili