Bolš za ŭsio tranzakcyj uładalniki premium-kartak ździajśniajuć u Rasii. A voś Jehipiet nie ŭvajšoŭ navat u 30-ku. Takija dadzienyja pryvodzić Alfa-Bank, spasyłajučysia na markietynhavaje daśledavańnie zamiežnych tranzakcyj z vykarystańniem kartak typu Gold, Platinum i Infinite.
«Hieahrafija padarožžaŭ uładalnikaŭ «załatych» kartak vielmi šyrokaja — ad Brazilii da Narviehii, — kaža kuratar partniorskaj prahramy Golden Alfa Anastasija Piatrovič. — Pry hetym kolkaść zamiežnych tranzakcyj pastajanna raście: ludzi addajuć pieravahu brać u pajezdku kartku i nie ryzykavać vialikaj sumaj najaŭnych». Usiaho kartki zamožnych biełarusaŭ «zaśviacilisia» ŭ minułym hodzie ŭ 115 krainach śvietu.
Samym papularnym kirunkam pradkazalna akazałasia Rasieja. «Na jaje prychodzicca piataja častka ŭsich tranzakcyj uładalnikaŭ «hołdavych» kart. Druhoje miesca zajmaje Vialikabrytanija, u jakoj prachodzić 15% zamiežnych apieracyj z udziełam biełaruskich premium-kart. Na trecim miescy znachodzicca Polšča z 10% zamiežnych tranzakcyj», — havorycca ŭ daśledavańni.
Akramia taho, u piaciorku ŭvajšli Litva i ZŠA. Papularnymi akazalisia takija napramki, jak Ispanija, Italija, Ukraina. Zamykaje dziasiatku Łatvija. A voś papularnaje miesca adpačynku — Jehipiet — nie ŭvajšoŭ navat u 30-ku. Praŭda, być moža, pryčyna ŭ pajezdkach pa sistemie «ŭsio ŭklučana».
Siarod ekzatyčnych kirunkaŭ — Kaba-Verde, Makaa, Sinhapur, Kuba i Jamajka. Biełarusaŭ z dastatkam taksama pryciahvajuć karlikavyja dziaržavy, u tym liku Vatykan, Manaka, Andora, Lichtenštejn, Maŭrykij i Barbados.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary