U Minsku asudzili za chabar dyrektara prajektna-daśledčaha instytuta

U Minsku asudzili 58‑hadovaha dyrektara adnaho z prajektna-daśledčych instytutaŭ za atrymańnie vialikaha chabaru. Jon zajmaŭ hetuju pasadu z 2017 hoda i vykonvaŭ arhanizacyjnyja, administracyjnyja i haspadarčyja abaviazki, piša ahienctva «Minsk-Naviny».

Zdymak ilustracyjny. Fota: freepik.com

Uviesnu 2021 hoda kiraŭnik instytuta dazvoliŭ novaj firmie pryvatnaha pradpryjemstva ŭdzielničać u konkursach instytuta i padtrymlivaŭ jaje intaresy, atrymlivajučy za heta niezakonnaje ŭznaharodžańnie ŭ pamiery 24 tysiač rubloŭ. Jaho zatrymali padčas pieradačy apošniaj častki chabara ŭ 5 tysiač rubloŭ.

Sud pryznaŭ jaho vinavatym pa č. 2 st. 430 KK i pakaraŭ 3,5 hadami pazbaŭleńnia voli sa štrafam u 42 000 rubloŭ i zabaronaj zajmać arhanizacyjnyja i administracyjnyja pasady na 5 hadoŭ.

Pa č. 2 st. 77 KK vykanańnie terminu pazbaŭleńnia voli adterminavana na 3 hady, pry hetym abvinavačany pavinien rehularna rehistravacca ŭ inśpiekcyi, nie mianiać miesca žycharstva biez dazvołu i nie vyjazdžać z horada pa asabistych spravach bolš za miesiac.

Kamientary da artykuła