Vynieśli prysudy trom karupcyjanieram z kiraŭnictva Biełaruskaj čyhunki
Sud vynies abvinavaŭčyja prysudy pa spravie troch kiraŭnikoŭ słužby pieravozak Biełaruskaj čyhunki, jakich pryznali vinavatymi ŭ karupcyjnych złačynstvach, paviedamlaje Supolnaść čyhunačnikaŭ Biełarusi.
Fihurantami spravy stali načalnik słužby pieravozak Vital Paniušenka, jahony namieśnik — kiraŭnik centra kiravańnia pieravozkami Fiodar Šulankoŭ, a taksama pieršy namieśnik kiraŭnika hetaha centra, načalnik apieratyŭna-rasparadčaha adździeła Alaksandr Ivanoŭ.
Usich troch zatrymali ŭ kastryčniku 2024 hoda supracoŭniki HUBAZiK, paśla čaho jany bolš za hod znachodzilisia pad śledstvam i na sudovych razhladach. Usich traich abvinavačvali ŭ atrymańni chabaraŭ.
13 śniežnia 2025 hoda sud Leninskaha rajona Minska pryznaŭ ich vinavatymi i pryznačyŭ realnyja terminy źniavoleńnia. Paniušenka atrymaŭ 7 hadoŭ pazbaŭleńnia voli, Šulankoŭ — 5 hadoŭ, Ivanoŭ — 4 hady. Prysudy vyniesienyja pavodle artykuła 430 Kryminalnaha kodeksa Biełarusi (atrymańnie chabaru), z roznaj stupieńniu ciažkaści.
Pavodle viersii śledstva, na praciahu troch hadoŭ hetyja słužbovyja asoby sistematyčna atrymlivali chabar ad kamiercyjnych struktur za stvareńnie karupcyjnaj schiemy, jakaja dazvalała pazačarhova padavać hruzavyja vahony invientarnaha parku Biełaruskaj čyhunki. Pa hetych faktach Śledčy kamitet zavioŭ šeść kryminalnych spraŭ.
Pry hetym u materyjale adznačajecca, što istotnuju rolu ŭ vykryćci schiemy adyhraŭ były supracoŭnik BČ i biznesmen, jaki, supracoŭničajučy ź siłavikami, udzielničaŭ u pieradačy hrošaj, paśla čaho adbyvalisia zatrymańni «na haračym».
Supolnaść biełaruskich čyhunačnikaŭ źviartaje ŭvahu, što prysud u dačynieńni da Ivanova vyhladaje sprečnym. Pavodle nieaficyjnaj infarmacyi, pry zatrymańni ŭ jaho było znojdziena amal 5 tysiač rubloŭ — sumy, jakoj niedastatkova dla kvalifikacyi «chabaru ŭ bujnoj sumie». Kab daciahnuć abvinavačańnie da patrebnaha ŭzroŭniu, u spravie źjaviŭsia dadatkovy epizod — pakazańni śviedki, jaki śćviardžaŭ, što raniej dvojčy pieradavaŭ Ivanovu hrošy. Inšych dokazaŭ hetych epizodaŭ, akramia słoŭ śviedki, nie ahučvałasia.
Hetym śviedkam staŭ Leanid Kryłovič — były supracoŭnik transpartnaj milicyi i eks-kiraŭnik struktury, źviazanaj z BČ, čałaviek ź vialikim dośviedam u halinie pieravozak i ŭłasnymi kamiercyjnymi intaresami. Jaho pakazańni źjavilisia ŭžo paśla zatrymańnia Ivanova i stali klučavymi dla bolš ciažkaj kvalifikacyi abvinavačańnia.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary
Ona utonuła, jejo, za poślednije 20 let razdierbanili na pierievozku lhotnikov, biespłatnuju pierievozku hruzov dla łukašienko, na finansirovanije čiempionatov mira i jevropy, na zakupku avtobusov, trollejbusov, tramvajev, barž i ich obsłuživanije, na kołchozy i sovchozy, na novyje dołžnosti i kabiniety v mintransie, v upravlenii i otdielenijach žd i na mnoho čieho jeŝio...