Niadaŭna adkrytuju skulpturu armreślera ŭ Mahilovie ŭžo zakrucili plonkaj FOTAFAKT
Zusim niadaŭna ŭ Mahilovie na piešachodnaj vulicy Leninskaj pastavili dźvie novyja skulptury. Adna ź ich — atlet-armreśler, čyja fihura, vidać, natchnionaja antyčnaściu, a druhaja — hadzińnik, padobny na łondanski Bih-Ben u minijaciury. Adnak niešta adrazu pajšło nie tak, piša vydańnie Mogilev.in.
Skulptura anleta-armreślera da i paśla. Fota: Mogilev.in
Ci to kab schavać na zimu, ci to im adrazu stali pa niejkich pryčynach padbirać novaje miesca, ale śviežapastaŭlenyja małyja architekturnyja formy ŭžo čamuści nakryli płastykavymi pakryvałami, pryčeplenymi skotčam.
Tak ciapier vyhladaje skulptura pa matyvach łondanskaha Bih-Bena. Fota: Mogilev.in
Mahčyma, na los hetych skulptur mahło paŭpłyvać toje, što, jak adznačałasia ŭ našym papiarednim materyjale, skulptura armreślera znachodzicca ŭ niepasrednaj blizkaści ad archirejskaha padvorja i terytoryi byłoha Spaskaha manastyra. Ciapier tut mieściacca Mahiloŭskaja jeparchija Biełaruskaj pravasłaŭnaj carkvy i Duchoŭna-aśvietnicki centr imia śviaciciela Hieorhija Kaniskaha.
Varta adznačyć, što inšyja niadaŭna pastaŭlenyja ŭpryhožańni hetaj piešachodnaj vulicy ŭ Mahilovie pakul nie zakryvali.
Fota: Mogilev.in
Čytajcie taksama:
U histaryčnym centry Mahilova pastavili skulpturu paŭhołaha armreślera
Na vulicy Ńju-Jorka Henik Łojka źlapiŭ sa śniehu Mindoŭha
Jak źmianiłasia Chatyń paśla rekanstrukcyi: ciapier tam pradajuć burhiery i dziciačyja cacki
U Sienicy pad Minskam pastavili skulpturu pažarnika ź dziciom FOTAFAKT