Vyjšaŭ apošni vypusk «Zahlanie sonca» ź Mikitam Miełkazioravym
U hetym vypusku žurnalist i błohier raspaviadaje, čamu ŭ Biełarusi śviatkujuć dva Rastvy. Naprykancy śniežnia Mikity nie stała.
«Biełaruś — adzinaja kraina ŭ śviecie, dzie śviatočnymi dniami ličacca i 25 śniežnia, i 7 studzienia. Čamu my adznačajem dva Rastvy i kali pravilna śviatkavać?
Raźbirajemsia, jak Batoryj dałučyŭ Reč Paspalituju da prahresu i čamu kraina stała adnoj ź pieršych, chto pryniaŭ hryharyjanski kalandar. Čamu ŭ Biełarusi paśla 1 lutaha 1918 hoda adrazu nastupiła 14 lutaha i pry čym tut Lenin. Jak tak atrymałasia, što samy doŭhi most u śviecie znachodziŭsia ŭ Biełarusi? I adkul u biełaruskaj movie źjaviłasia słova «Kalady».
U novym vypusku «Zahlanie sonca» havorym pra toje, čamu ŭ Biełarusi śviatkujuć dva Rastvy i stary Novy hod», — havorycca ŭ apisańni rolika.
Kamanda «Zahlanie sonca» zajaviła, što pakul prajekt biare paŭzu.
«Prajekt pakul stanovicca na paŭzu. Nam taksama treba čas, kab pryjści ŭ siabie i zrazumieć, što rabić dalej. A pakul, kali prapuścili niejkija vypuski — pahladzicie, kali łaska», — havorycca ŭ paviedamleńni.
Žurnalist Mikita Miełkazioraŭ raptoŭna pamior 21 śniežnia na 38‑m hodzie žyćcia.