Minabarony RF paćvierdziła ŭdar «Arešnikam» pa Ukrainie
Pa viersii viedamstva, jon byŭ naniesieny ŭ adkaz na ataku Kijeva pa rezidencyi Uładzimira Pucina na Vałdai, paviedamlaje TASS.
Photo by Russian Defense Ministry Press Service via AP
«Mety ŭdaru dasiahnuty. Paškodžany abjekty vytvorčaści bieśpiłotnych latalnych aparataŭ, jakija vykarystoŭvalisia ŭ chodzie terarystyčnaj ataki, a taksama enierhietyčnaja infrastruktura, jakaja zabiaśpiečvaje pracu vajenna-pramysłovaha kompleksu Ukrainy. Lubyja terarystyčnyja dziejańni z boku złačynnaha ŭkrainskaha režymu i nadalej nie zastanucca biez adkazu», — havorycca ŭ paviedamleńni.
Rasijskija ŭłady abvinavacili Ukrainu ŭ sprobie ataki rezidencyi Pucina 29 śniežnia. Ukraina zajaviła, što nijakaj ataki nie było. Donald Tramp taksama śćviardžaje, što nie vieryć u hety ŭdar.
«Arešnik» — ekśpierymientalnaja balistyčnaja rakietnaja sistema ź mierkavanym radyusam dziejańnia 5500 kiłamietraŭ. Da hetaha času było aficyjna viadoma pra adzin vypadak vykarystańnia «Arešnika» va Ukrainie — u listapadzie 2024 hoda rasijskaja armija ŭdaryła im pa Dniapry, nahadvaje «Mieduza».