Cichanoŭskaja padtrymała narod Irana: «Tyranija zaŭsiody padaje»
Kiraŭnica Abjadnanaha pierachodnaha kabinieta Śviatłana Cichanoŭskaja vykazała salidarnaść z udzielnikami masavych pratestaŭ u Iranie. Svaju zajavu jana apublikavała ŭ sacyjalnaj sietcy X.
Śviatłana Cichanoŭskaja. Fota: Riccardo Savi \ Getty Images for Concordia Annual Summit
«Mužnaść irancaŭ, jakija patrabujuć svabody i hodnaści pierad tvaram žorstkich represij, zasłuhoŭvaje pavahi i zachapleńnia ŭsiaho śvietu. Vašy hałasy nie mohuć być zahłušany. Tyranija zaŭsiody padaje. My salidarnyja z narodam Irana», — napisała Cichanoŭskaja.
Paviedamleńnie źjaviłasia na fonie maštabnaj chvali pratestaŭ, jakija achapili bolšuju častku Irana za apošnija dva tydni. Akcyi pačalisia jak reakcyja na rezki skačok inflacyi, adnak chutka pieraraśli ŭ palityčnyja manifiestacyi: pratestoŭcy patrabujuć adstaŭki relihijnaha kiraŭnictva krainy.
Ułady Irana ŭviali žorstkija abmiežavańni na dostup da internetu pa ŭsioj krainie, kab pieraškodzić kaardynacyi pratestaŭ, a taksama raspaŭsiudu infarmacyi.