Śmiećcievy kałaps u Mahilovie: kantejniery patanuli ŭ adchodach
Navahodnija śviaty i mahutnyja śniehapady paralizavali sistemu vyvazu śmiećcia ŭ Mahilovie. Žychary adrazu niekalkich rajonaŭ paviedamlajuć pra pierapoŭnienyja kantejniery i hory adchodaŭ, paviedamlaje «Mahiloŭ.Anłajn».
Žychary rajonaŭ skardziacca na pierapoŭnienyja śmietnicy. Adchody składujuć pobač z kantejnierami, a ich kolkaść miescami pačynaje vychodzić za miežy placovak.
Situacyja ŭskładniajecca tym, što navat tam, dzie padjezdy dla śpiectechniki rasčyščany, śmiećcie zastajecca na miescy. Pavodle infarmacyi «Mahiloŭ.Anłajn», kamunalnyja słužby sutyknulisia ź nietypovaj prablemaj: z-za rezkich pierapadaŭ tempieratur i śniehu kantejniery ščylna ŭmierźli ŭ lod i ich nie mohuć pierahruzić u śmiećcievozy.
Miascovyja žychary bačyli pracu śpiecyjalnych kamisij, jakija fiksujuć stan placovak na fota, adnak realnych zruchaŭ pakul mała.