Ułady znajšli na zamiežnych markietpłejsach «ekstremisckuju simvoliku»
Ministerstva antymanapolnaha rehulavańnia i handlu (MARH) znajšło «ekstremisckuju simvoliku» na internet-placoŭkach dvuch markietpłejsaŭ, jakija pracujuć u Biełarusi.
Paviedamlajecca, što manitorynh tyčyŭsia roznych tavaraŭ — ściažkoŭ, značkoŭ, nalepak i inšych rečaŭ, jakija źmiaščajuć elemienty, što nibyta mohuć razhladacca jak atrybutyka «ekstremizmu». Ich znajšli na markietpłejsach AliExpress (Kitaj) i Joom (Łatvija).
Materyjały pa vynikach manitorynhu byli nakiravany ŭ siłavyja struktury i Ministerstva infarmacyi.
Raniej u MARH užo ŭźnikali pretenzii da pracy hetych internet-płatformaŭ, jakija tolki vystaŭlajuć infarmacyju pra tavary trecich asob i dajuć mahčymaść ich nabyć.
Čytajcie taksama:
Bolš za 100 telehram-stykieraŭ pryznali «ekstremisckimi»
MARH znajšoŭ na Wildberries niapravilnyja čyrvona-zialonyja ściahi i zahadaŭ ich prybrać