Улады знайшлі на замежных маркетплэйсах «экстрэмісцкую сімволіку»
Міністэрства антыманапольнага рэгулявання і гандлю (МАРГ) знайшло «экстрэмісцкую сімволіку» на інтэрнэт-пляцоўках двух маркетплэйсаў, якія працуюць у Беларусі.
Паведамляецца, што маніторынг тычыўся розных тавараў — сцяжкоў, значкоў, налепак і іншых рэчаў, якія змяшчаюць элементы, што нібыта могуць разглядацца як атрыбутыка «экстрэмізму». Іх знайшлі на маркетплэйсах AliExpress (Кітай) і Joom (Латвія).
Матэрыялы па выніках маніторынгу былі накіраваны ў сілавыя структуры і Міністэрства інфармацыі.
Раней у МАРГ ужо ўзнікалі прэтэнзіі да працы гэтых інтэрнэт-платформаў, якія толькі выстаўляюць інфармацыю пра тавары трэціх асоб і даюць магчымасць іх набыць.
Чытайце таксама:
Больш за 100 тэлеграм-стыкераў прызналі «экстрэмісцкімі»
МАРГ знайшоў на Wildberries няправільныя чырвона-зялёныя сцягі і загадаў іх прыбраць