Asudzili 33‑hadovuju buchhałtarku z Bresta — imavierna, pa spravie Hajuna

Nastaśsiu Ułasaviec abvinavacili ŭ «sadziejničańnie ekstremisckaj dziejnaści».

Nastaśsia Ułasaviec. Fota ź jaje staronki Ukantakcie

Nastaśsi Ułasaviec 33 hady. Jana rodam z horada Ivacevičy Bresckaj vobłaści. 

U 2013 hodzie dziaŭčyna skončyła ekanamičny fakultet Bresckaha dziaržaŭnaha techničnaha ŭniviersiteta (BrDTU) pa śpiecyjalnaści «Buchhałtarski ŭlik, analiz i aŭdyt». Paśla ŭniviersiteta pracavała buchhałtaram u «Brestabłaŭtatransie». Paźniej uładkavałasia ekanamistam u kampaniju «SmajłStudyja». Dziaŭčyna žyvie ŭ Breście razam z mužam.

Nastaśsiu sudzili ŭ Bresckim abłasnym sudzie pa dźviuch častkach artykuła 361‑4 Kryminalnaha kodeksa — «sadziejničańnie ekstremisckaj dziejnaści».

Dziaŭčynie prysudzili chatniuju chimiju.

Zvyčajna pa hetym artykule režym sudzić tych, chto pieradavaŭ infarmacyju, fota ci videa ŭ manitorynhavy prajekt «Biełaruski Hajun». Dakładny termin pakarańnia Nastaśsi, jak i sutnaść spravy, nieviadomy.

Kamientary da artykuła