U Minsku ŭ sumiocie znajšli słabieńkuju savu FOTY

U Minsku znajšli ŭ śniehavym sumiocie asłabiełuju vušastuju savu, paviedamili ŭ Minskim haradskim kamitecie pryrodnych resursaŭ i achovy navakolnaha asiarodździa.

Fota: t.me/minskpriroda

Ptušku znajšli ranicaj 13 studzienia supracoŭniki instytuta «Minskhramadzianprajekt» — heta była maładzieńkaja sava, jakaja lažała ŭ hłybokim śniezie.

Vietierynar ahledzieŭ ptušku i vyznačyŭ, što jana znachodzicca ŭ vielmi słabym stanie, tamu joj akazvajuć nieabchodnuju dapamohu.

Fota: t.me/minskpriroda

Ekołahi źviarnuli ŭvahu, što vialikija śniehavyja nanosy paśla cykłonu «Uli» pieraškadžajuć savie palavać na myšej i inšych drobnych žyvioł, jakija składajuć jaje asnoŭny racyjon. Niekalkidzionnaje niaŭdałaje palavańnie i najaŭnaść niezvyčajnych «haradskich vorahaŭ» mohuć chutka pryvieści da stomlenaści i asłableńnia ptuški.

Fota: t.me/minskpriroda

Vušastaja sava — adna z samych raspaŭsiudžanych u Biełarusi. Jana hniaździcca nie tolki ŭ lasach, ale i na ŭskrainach nasielenych punktaŭ, choć u bujnych haradach sustrakajecca redka. Sovy nie budujuć svaich hniozdaŭ, vykarystoŭvajučy pakinutyja hniozdy varon ci sarok. U Minsku hniozdy vušastych soŭ sustrakali ŭ Łošyckim parku i parku 60‑hodździa Vialikaha Kastryčnika.

Fota: t.me/minskpriroda

Kamientary da artykuła