Pahladzicie, jakija simpatyčnyja sovy pasialilisia kala «Palimira» ŭ Navapołacku FOTA
Ptuški pasialilisia kala cecha №9. Spačatku tam pasialiłasia adna sava. A praź niejki čas kala jaje zaŭvažyli troch puchnatych ptušaniat, paviedamlaje «Vieśnik Naftana».
Siarod pieršych vušastuju savu zaŭvažyŭ mašynist cecha №009 Aleh Zalaciła. Ciapier zavadčanie ŭvažliva sočać za ptuškami.
«Spačatku tut bačyli ptušku, bujniejšuju za našu savu, — raspaviadaje jon. — Zatym zastałasia tolki adna, a litaralna praz tydzień zaŭvažyli savianiat. Spačatku było adno ptušania, zatym druhoje — jany źjaŭlalisia pa čarzie. Ciapier tut troje małych. Usie jany roznaha pamieru i trochi adroźnivajucca vonkava. Im tut jość čym charčavacca: my niadaŭna kasili travu vakoł vytvorčaści i zaŭvažyli šmat hryzunoŭ.
Ptušynaja siamja raskvataravałasia na ŭsio toj ža alei tapolaŭ, dzie ich davoli składana ŭbačyć. Darosłaja ptuška marmurovym apiareńniem vydatna mimikruje pad piarestuju karu piańkoŭ starych siečanych stvałoŭ, i šaravatyja puchovyja małyja ledź prykmietnyja siarod blednych hładkich halin dreva.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary