Pad Hrodnam adkryli harnałyžnuju trasu
13 studzienia ŭ parku aktyŭnaha adpačynku «Karobčycki Alimp», jaki znachodzicca niedaloka ad Hrodna, pačaŭ pracavać harnałyžny spusk, paviedamlaje BiełTA.
Daŭžynia pieršaj trasy składaje kala 300 mietraŭ, i heta tolki pačatak. U najbližejšy čas płanujecca adkryćcio jašče adnoj harnałyžnaj trasy praciahłaściu prykładna 360 mietraŭ.
Dla naviedvalnikaŭ budzie pracavać padjomnik. Adpačyvalniki mohuć pryjazdžać sa svaim spartyŭnym ryštunkam abo ŭziać hornyja łyžy i snoŭbordy ŭ punkcie prakatu na miescy. Pierakusić i sahrecca haračym čajem možna ŭ miascovaj kaviarni.
Harnałyžnyja trasy buduć dastupnyja ŭ budnyja dni z 14:00 da 21:00, a ŭ vychadnyja — z 13:00 da 22:00.
Čytajcie taksama:
«I hory nie patrebnyja». Pad Hrodnam mužčyna zrabiŭ trasu dla ciubinhu prosta ŭ svaim dvary
Biełarus zrabiŭ łyžniu na płoščy Pieramohi ŭ samym centry Minska
Nazvanyja samyja niebiaśpiečnyja horki ŭ Minsku dla katańnia na ciubinhu