Biełarus zrabiŭ łyžniu na płoščy Pieramohi ŭ samym centry Minska
Andrej vykłaŭ u sacsietkach videa, jak jon pieramiaščajecca pa rajonie płoščy Pieramohi na łyžach.
— Ja tut u centry Minska, staju na asfalcie, u łyžach abuty. I heta kruta! Heta najlepšy dzień majho žyćcia. Hety horad siońnia moj!
Adzin z rolikaŭ za noč nabraŭ bolš za 100 tysiač prahladaŭ i sotni zachaplonnych kamientaroŭ:
- «Bratan, jany zabyli, što takoje zima. Kajfuj, malec!»
- Zajzdrošču biełaj zajzdraściu, ale ja ŭžo dvor ačyściła. Zdorava».
- «Nu chacia b niechta radujecca».
- «Dastaŭka ježy siońnia ciabie abahacić. Nie prapuści šaniec».
- «Kali tak budzie praciahvacca, łyžy ŭ Biełarusi padaražejuć».
- «A na snaŭbordzie ŭžo možna vyjazdžać?»
- «U mianie łyž niama, a siońnia heta najlepšy transpart, padkińcie da pracy».
Adzin z karystalnikaŭ udakładniŭ: «Kolki hadoŭ nie stajaŭ na łyžach na sapraŭdnym śniezie ŭ Minsku?» Na što Andrej ščyra adkazaŭ: «Kolki siabie pamiataju».
Onliner.by źviazaŭsia z hierojem dnia, kab zadać niekalki ŭdakładniajučych pytańniaŭ. Andrej pryznaŭsia, što ŭsio žyćcio maryŭ ab takim katańni. Bijatłonam jon zajmaŭsia z 13 hadoŭ. Paźniej pačałosia surjoznaje navučańnie ŭ mieduniviersitecie, i łyžy stali chutčej chobi i sposabam «razhruzić hałavu».
A voś jak jon apisaŭ svaje ŭražańni ad učorašniaha ekśpierymientu:
— Heta jak biehčy paŭmarafon pa Minsku, zusim inšyja adčuvańni… Sumna, što nie ŭklučyŭ trekier, uspomniŭ pra jaho tolki na zvarotnym šlachu. Dumaju, prajechaŭ nie bolš za 5 kiłamietraŭ: z kanca Zacharava da płoščy Pieramohi, kružok pa parku i dadomu. Jechaŭ staraŭsia pa tratuary. Miescami było vielmi kruta, jak na Vieśniancy. Ale kamunalniki, na žal, apieratyŭna miescami zhrabali śnieh až da asfaltu.
I, zdajecca, Andrej byŭ adzinym čałaviekam u Minsku, kaho zasmučaŭ hety fakt.
— Siońnia pajdu raźviedać vieładarožku. Spadziajusia, jaje nie ačyścili, było b kruta prajechać praz uvieś horad, heta kala 50 kiłamietraŭ.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?18
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary