U Kijevie zatrymali mužčynu, jakoha padazrajuć u kaardynavańni celaŭ dla rasijan praź biełaruskich siłavikoŭ
U Kijevie zatrymali hramadzianina Ukrainy, jakoha padazrajuć u pieradačy kaardynat enierhietyčnych abjektaŭ dla rasijskich udaraŭ. Pavodle źviestak ukrainskich pravaachoŭnikaŭ, jon dziejničaŭ praz pradstaŭnikoŭ biełaruskich siłavych struktur, piša «Radyjo Svaboda».
Nastupstvy rasijskaha ŭdaru ŭ Kijevie 25 kastryčnika 2025 hoda. Fota: «Radyjo Svaboda»
Jak paviedamlaje krynica «Radyjo Svaboda», mužčynu inkryminujuć dziaržaŭnuju zdradu va ŭmovach vajny. Za heta jamu pahražaje da 15 hadoŭ turmy abo pažyćciovaje źniavoleńnie z kanfiskacyjaj majomaści.
Śledstva ličyć, što mužčyna dobraachvotna supracoŭničaŭ z Rasijaj: źbiraŭ i pieradavaŭ infarmacyju pra miescy raźmiaščeńnia ŭkrainskich vajskovych padraździaleńniaŭ i achovu enierhaabjektaŭ u Kijevie. Źviestki jon nibyta pierasyłaŭ supracoŭniku Dziaržaŭnaha pamiežnaha kamiteta Biełarusi, jaki mieŭ dačynieńnie da telehram-bota biełaruskaj pamiežnaj słužby.
Z materyjałaŭ spravy vynikaje, što zatrymany paśpieŭ pieradać kaardynaty padraździaleńnia, jakoje achoŭvała adnu z kijeŭskich ciepłaelektracentralaŭ. Paśla rasijskaha abstrełu jon taksama paviedamiŭ svajmu kurataru pra vyniki ŭdaru i zaklikaŭ praciahvać ataki.
25 kastryčnika 2025 hoda adna z CEC u Kijevie sapraŭdy była paškodžanaja ŭ vyniku rasijskaha ŭdaru, choć niekatoryja rasijskija ŚMI zajaŭlali pra jaje poŭnaje źniščeńnie.
Ciapier ukrainskija śledčyja analizujuć telefonnyja razmovy i pierapisku zatrymanaha, kab vyśvietlić usie akaličnaści spravy.
Čytajcie taksama:
Na BT zajavili, što špijon Uładzimir Usier pisaŭ z Polščy ŭ kamisiju pa viartańni
Zatrymanaha ŭ Francyi rasijskaha baskietbalista abmianiali na asudžanaha ŭ Rasii francuza