ZŠA zatrymali ŭžo šosty zamiežny tankier, źviazany ź Vieniesuełaj

15 studzienia amierykanskija vajskoŭcy ŭziali pad kantrol naftavy tankier Veronica ŭ Karybskim mory. Heta ŭžo šostaje sudna, zatrymanaje Złučanymi Štatami za apošnija tydni. Pra heta paviedamiła Paŭdniovaje kamandavańnie ZŠA, piša ahienctva Reuters.

Skrynšot ź videa Paŭdniovaha kamandavańnia ZŠA

U amierykanskaj armii adznačyli, što apieracyja prajšła bieź incydentaŭ. Pavodle ich słoŭ, tankier Veronica parušyŭ karancin dla sankcyjanavanych sudnaŭ u Karybskim basiejnie, uviedzieny prezidentam ZŠA Donaldam Trampam.

Reuters źviartaje ŭvahu, što zatrymańnie adbyłosia napiaredadni sustrečy Trampa ź lidaram vieniesuelskaj apazicyi Maryjaj Karynaj Mačada. Ich pieršaja asabistaja sustreča paśla adchileńnia ad ułady Nikałasa Madura pavinna adbycca jakraz 15 studzienia.

Zatrymańni tankieraŭ stali častkaj kampanii Trampa, nakiravanaj na likvidacyju ŭłady Nikałasa Madura ŭ Vieniesuele. Hetaja kampanija zaviaršyłasia ŭvarvańniem amierykanskich vajskoŭcaŭ u krainu 3 studzienia z metaj zatrymańnia samoha Madura i jaho žonki.

Usie sudny, jakija ZŠA pierachapili za hety čas, albo znachodzilisia pad amierykanskimi sankcyjami, albo ŭvachodzili ŭ tak zvany «cieniavy fłot» i chavali svajo pachodžańnie, kab pieravozić naftu ad padsankcyjnych krain — Irana, Rasii abo Vieniesueły.

Kamientary da artykuła