Pavodle infarmacyi The Wall Street Journal, atrymanaj ad amierykanskich čynoŭnikaŭ, bierahavaja achova ZŠA ŭziała na abardaž tankier Olina, raniejšy Mivera M, jaki znachodziŭsia ŭ sankcyjnych śpisach za pieravozku rasijskaj nafty.
Sudna ŭvachodziła ŭ rasijski cieniavy fłot i vykarystoŭvałasia dla ekspartu nafty dy naftavych praduktaŭ z partoŭ Bałtyjskaha i Čornaha mora ŭ Kitaj, Indyju i Turcyju. Tankier išoŭ pad ściaham Uschodniaha Cimora i staŭ piatym sudnam, jakoje zatrymali siły Bierahavoj achovy ZŠA.
Raniej, 7 studzienia, byli zatrymanyja tankier Bella 1, jaki paśla vychadu ź Vieniesueły zamianiŭ ściah na rasijski i dapłyŭ da bierahoŭ Isłandyi ŭžo pad nazvaj Marinera, a taksama M Sophia, jaki išoŭ pad panamskim ściaham u vodach Karybskaha mora.
Olina vyjšaŭ ź Vieniesueły na minułym tydni ŭ składzie fłatylii tankieraŭ, sprabujučy abyści marskuju błakadu ZŠA paśla vykradańnia vieniesuelskaha lidara Nikałasa Madura. Padčas apieracyi tankier viartaŭsia ŭ Vieniesuełu, tak i nie pazbaviŭšysia ad nafty.
Usiaho ZŠA adsočvajuć hrupu z 16 tankieraŭ, čatyry ź jakich niadaŭna źmianili ściah na rasijski. U najbližejšyja dni čakajucca novyja zachopy ŭ ramkach kampanii suprać cieniavoha fłotu, abvieščanaj Trampam. Niekatoryja tankiery, jak Veronica, źmianili nazvu na Galileo i ściah na rasijski, sprabujučy paźbiehnuć zatrymańnia, jašče try tankiery pieravoziać vieniesuelskuju naftu i zarehistravalisia ŭ Sočy ci Tahanrohu.
Ułaśnik zachoplenaha rasijskaha tankiera ŭ Atłantycy — biznesmien z Kryma
Bieły dom pahražaje sudzić u ZŠA ekipaž zachoplenaha tankiera. Maskva paćvierdziła, što na borcie rasijanie
ZŠA zachapili jašče adzin tankier cieniavoha fłotu. Heta ŭžo druhoje zatrymanaje sudna za apošniuju hadzinu
Amierykanskija desantniki vysadzilisia na tankier Marinera, jaki padčas pahoni źmianiŭ ściah na rasijski
Tramp patrabuje ad Vieniesueły vyhnać Rasiju, Kitaj, Iran i Kubu
Kamientary
Matorny tankier Olina naležyć da impierskaha “cieniavoha fłotu” pucina i ŭdzielničaje ŭ pieravozcy sankcyjnaj nafty. Drennyja naviny dla pucinskaha režymu i vieniesuelskich Balšavikoŭ — i dobryja naviny dla ZŠA i Volnaha śvietu. 2 despatyčnyja impierskija prajekty (maskoŭski, iranski) vidavočna pamirajuć ŭ kanvulsijach (jak ŭ 1917-1991). Tamu Ja całkam padtrymlivaju D. Trampa ŭ hetym.
ja naziraju , jak čynoŭniki złoj impieryi, vajennyja Z- błohiery - kamientatary raptam pačynajuć spasyłacca na mižnarodnaje prava, suvierenitet i inšyja humanitarnyja pryncypy — paśla taho, jak da ich užyli “prava macniejšaha”, — heta čysty miod dla maich vačej i vušej. Realii na ziamli, emercy z 1% suśvietnaha VUP, biez šansaŭ suprać našych 60%
RB/VKŁ całkam padtrymlivańnie dziejańni ZŠA !