Pamior kinaapieratar Anatol Zabałocki
16 studzienia ŭ 90 hadoŭ pamior kinaapieratar-pastanoŭščyk karcin kinastudyi «Biełaruśfilm» «Alpijskaja bałada» i «Chrystos pryziamliŭsia ŭ Harodni» Anatol Zabałocki, paviedamlaje «Radyjo Svaboda».
Anatol Zabałocki. Fota: «Radyjo Svaboda»
Źniaty Zabałockim film «Cieraz mohiłki» biełaruskaha režysiora Viktara Turava ŭvajšoŭ u sotniu najlepšych stužak pra vajnu pa viersii UNESCO. Jamu pryśviačaŭ svaje vieršy Uładzimir Karatkievič.
Siarod inšaha jon zdymaŭ taksama šukšynskija «Kalinu krasnuju» i «Piečki-łavački».
Anatol Zabałocki naradziŭsia ŭ 1935 hodzie ŭ Krasnajarskim krai. U intervju «Radyjo Svaboda» jon adznačaŭ: «Pa dziedu — biełarus. Moj dzied Kanstancin Lavonavič Zabałocki byŭ z Barysava, u stałypinskuju reformu pierasialiŭsia ŭ Sibir, mocna asieŭ na ziamli».
Paśla zakančeńnia Maskoŭskaha instytuta kiniematahrafii ŭ 1960 hodzie jon byŭ nakiravany na «Biełaruśfilm», dzie pracavaŭ kala dziesiaci hadoŭ. Udzielničaŭ u stvareńni 15 filmaŭ.
Apošnim časam Zabałocki zajmaŭsia mastackaj fatahrafijaj. Žyŭ u Maskvie.