Nočču ŭ Polšču ź Biełarusi zalacieli dziasiatki nieviadomych abjektaŭ
U noč z 16 na 17 studzienia ŭ pavietranuju prastoru Polščy z terytoryi Biełarusi zalacieła niekalki dziasiatkaŭ nieviadomych abjektaŭ, paviedamiła Biuro nacyjanalnaj biaśpieki Polščy.
Zdymak ilustracyjny. Fota: «Naša Niva»
Incydent, jak śćviardžajecca, usiu noč byŭ pad kantrolem vajskovych i cyvilnych słužbaŭ.
Biuro nacyjanalnaj biaśpieki Polščy adznačaje, što situacyju analizavali, źbirajučy źviestki ad vajskovych i cyvilnych viedamstvaŭ. Jak i padčas incydentu 24—25 śniežnia 2025 hoda, kali ŭ polskuju pavietranuju prastoru zalacieła 59 abjektaŭ ź biełaruskaha napramku, mahčymy scenar pravakacyi pad vyhladam kantrabandy taksama nie vyklučajecca.
Polskija ŭłady zaklikajuć hramadzian sačyć za aficyjnymi paviedamleńniami palicyi i pamiežnaj słužby i nie nabližacca da lubych padazronych pradmietaŭ, pakietaŭ abo ich frahmientaŭ, a nieadkładna paviedamlać ab ich znachodžańnie adpaviednym słužbam.
Čytajcie taksama:
Lutyja marazy spynili nielehalnych mihrantaŭ?
U Polšču znoŭ zalacieli mieteazondy ź biełaruskimi cyharetami
Polskaja armija pierachapiła rasijski samalot nad Bałtykaj i zafiksavała zondy ź Biełarusi