Za apošnija dziesiać dzion Litva nie zafiksavała nivodnaj sproby niezakonnaha pierasiačeńnia miažy z boku Biełarusi.
Słužba achovy dziaržaŭnaj miažy Litvy (VSAT) adznačaje, što kožnuju zimu ŭ niezakonnym ruchu mihrantaŭ ź Biełarusi ŭ ES uźnikajuć pierapynki — z roznych pryčyn. Adnak zaraz, pa słovach słužby, možna padazravać i źmianieńni ŭ pavodzinach minskaha režymu, paviedamlaje LRT.
Za apošnija dziesiać dzion Litva nie zafiksavała ni adnoj sproby niezakonnaha pierasiačeńnia miažy z boku Biełarusi.
«Na ciapierašni momant možna mierkavać, što dziejnaść pa arhanizacyi mihrantaŭ, ich nakiravańni, sadziejničańni im i padobnyja dziejańni ŭ peŭnaj stupieni prypynienyja», — paviedamiŭ ahienctvu BNS pradstaŭnik Słužby achovy dziaržaŭnaj miažy Hiedrus Mišucis.
Na miažy Łatvii ź Biełaruśsiu mihrantaŭ apošni raz fiksavali 30 śniežnia, na polskaj miažy — 9 studzienia.
Pa słovach H. Mišucisa, heta samo pa sabie nie źjaŭlajecca novaj tendencyjaj. «Na praciahu ŭsiaho studzienia 2024 hoda było 15 dzion, kali va ŭsich troch krainach taksama fiksavaŭsia nul. Byŭ i pieryjad, kali vosiem dzion zapar va ŭsich troch krainach nie było ni adnaho vypadku (…), navat u lutym byli try dni z nulavymi pakazčykami», — adznačyŭ jon.
«U studzieni 2025 hoda takich dzion było piać — taksama va ŭsich troch krainach nul. Heta bolš karotki pieryjad, ale ŭsio roŭna ničoha pryncypova novaha», — dadaŭ pradstaŭnik VSAT.
Pa słovach pamiežnikaŭ, bolš vyraznyja tendencyi niezakonnaj mihracyi ź Biełarusi stanuć zrazumiełyja z paciapleńniem.
Častka palityčnych naziralnikaŭ miarkuje, što pytańnie niezakonnaj mihracyi ź Biełarusi ŭ ES mahło abmiarkoŭvacca padčas sustrečy ŭ śniežni ŭ Minsku śpiecyjalnaha pasłańnika prezidenta ZŠA Donalda Trampa Džona Koŭła z Alaksandram Łukašenkam.
Paśla sustrečy amierykanski čynoŭnik paviedamiŭ, što Łukašenka paabiacaŭ spynić paloty kantrabandnych pavietranych šaroŭ u Litvu, adnak tema niezakonnaj mihracyi tady nie zhadvałasia.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»9
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary